ថ្ងៃអាទិត្យ ទី៦ ខែឧសភា ឆ្នាំ២០១២ ម៉ោង ១៧:២០
ខេត្តបាត់ដំបង ៖ សមត្ថកិច្ចជំនាញបានឲ្យដឹងថា តុលាការបាន សម្រេចដោះលែងភរិយានាយកសាលាបង្រៀនកុំព្យូទ័រ «ស៊ីអ៊ីស៊ី» ឲ្យនៅក្រៅឃុំជាបណ្ដោះអាសន្នកាលពីព្រឹកថ្ងៃទី៥ ឧសភា ដោយ យល់ថា នាងមានផ្ទៃពោះជិតគ្រប់ខែបន្ទាប់ពីបញ្ជូនទៅឃុំខ្លួនបណ្ដោះអាសន្នក្នុង ពន្ធនាគារជាមួយស្វាមីអស់រយៈពេលមួយយប់ ។ជនសង្ស័យឈ្មោះខៀវ ដារ៉ារ័ត្ន អាយុ២៦ឆ្នាំ ជានាយកសាលា បង្រៀន កុំព្យូទ័រ «ស៊ីអ៊ីស៊ី» និងភរិយាឈ្មោះសេង និមល អាយុ២៤ឆ្នាំ ត្រូវតំណាងអាយ្យការចោទប្រកាន់ពីបទសមគំនិតក្នុង ការបង្ខំសិស្សស្រីចំនួន៤នាក់ឱ្យប្រព្រឹត្តអំពើអាស អាភាសនៅក្នុង បន្ទប់ទឹកមុនពេលចូលរៀនដំបូងហើយត្រូវតុលាការសម្រេចឃុំខ្លួន ប្ដី-ប្រពន្ធនេះជាមួយគ្នាកាលពីរសៀលថ្ងៃទី៤ ឧសភា។ កោះសន្តិភាពមិនអាចសុំការបំភ្លឺបន្ថែមបានទេ ជុំវិញសំណុំរឿង នេះពីមន្រ្តីតុលាការកាលពីថ្ងៃអាទិត្យ។ ប៉ុន្តែមន្រ្តីនគរបាលជំនាញបានប្រាប់នៅថ្ងៃទី៦ ឧសភា នេះថា តុលាការបានសម្រេចដោះលេងស្រ្តីជាប្រពន្ធឲ្យនៅក្រៅ ឃុំបណ្ដោះអាសន្ន ដោយយល់ថា នាងមានផ្ទៃពោះជិតគ្រប់ខែឆ្លងទន្លេ រីឯបុរសជាប្ដីត្រូវជាប់ឃុំបន្ត ដើម្បីបើកការស៊ើបអង្កេត។ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
